小說名稱：[學生校園]夜校風雲（１－7） (2/3)
（卷六）一星期後，警方通知我已經拉到為首嘅中年人，要為我安排認人嘅
時間，而夜校方面，除左之前已經拉左嘅人之外，文迪亦指証其他屬於佢混入嘅
堂口內其他有份販毒嘅人，事件震撼夜校之內，芷堯亦致電比我講番警察去學校
拉人嘅情況，終於到左上法庭之日，一眾人等被判不同刑期嘅監禁，事件亦終於
要完結，法庭門外，文迪正追到我身後，「林小姐……」
一身西裝筆挺嘅文迪正擋住我嘅去路，我無理佢，繼續繞道而行，「林小
姐，妳先聽我講一句說話先……」
我背住佢停左腳步，「林小姐，上次…如果妳…唔係咁做，我估…我已經
死左響棒球棍下，我…只係…想同妳…講聲，多謝妳！」
我聽完後，就帶住淚眼咁繼續向前行，呢一刻，我已經賠上左我嘅尊嚴，人
格同埋愛情，我已經覺得自己已一無所有，而就只剩低一個無用嘅軀殼而已。
過左一段日子，我放工後，正番緊屋企之際，遠處見到文迪個婆婆又響街上
推住木頭車，雖然婆婆推得好似好辛苦咁，但今次我唔打算上前幫手，突然，婆
婆好似失去左知覺咁跌左響地上，四處又無其他嘅人，我雖然痛恨文迪，但人命
關天，我即時跑到婆婆之處攙扶住佢，「婆婆，妳見點呀，婆婆…」
我擺住部手機，即時致電報警，警察黎到，我同警察講叫佢地聯絡掃毒組
嘅李文迪，呢一刻，我望住婆婆，唔知點解，一陣心痛嘅感覺突然湧現，白車黎
到，我跟埋上車，車上，我緊握住婆婆嘅手，呢一刻，婆婆就好似自己嘅親人一
樣嘅感覺，好快，到左醫院，婆婆被推左入急症室，無幾耐，文迪亦到左醫院之
內，文迪見到我，但就好緊張咁去先問醫生婆婆嘅情況，我見醫生正神色凝重咁
同文迪講緊婆婆嘅情況，跟住文迪就呆呆咁望住急症室，之後就去左急症室門外
張長櫈坐住。
我遠望住文迪，唔知點解，我見佢一面嘅憂心嘅樣，呢個表情我從無響偉霆
面上見過，偉霆重來唔會點提佢屋企人，而且亦唔多願意番去屋企探佢兩老，而
最後我亦終於知道偉霆本來就係一個咩野嘅人，我緩緩咁行到文迪身邊，哦，文
迪居然響度喊緊，我心頭居然一酸，跟住亦眼紅紅咁遞張紙巾比佢，文迪緩緩咁
接過紙巾，跟住我地就無言咁坐響長櫈之上等緊婆婆嘅消息，時間逐漸過去，我
地亦靜靜咁等住，醫生出黎嘞，文迪好緊張咁問醫生嘅情況，「病人好彩及時送
黎醫院，婆婆心臟幾條主要血管經已嚴重閉塞，剛剛已經同佢做左手術，情況已
經逐漸穩定落黎，但以後你要小心照顧婆婆，唔好再比佢繼續咁粗勞呀！」
我同文迪即時鬆左一口氣，文迪終於開聲同我講，「林小姐，多謝妳，多謝
妳救番我婆婆！」
我亦紅住眼咁搖住頭，文迪堅持要送我番屋企，唔知點解，我開始無再咁
嬲眼前嘅文迪，我知道果次根本就唔關佢事，而且一路以黎佢都係出於幫我嘅心
，再加上佢果次都受左重傷，況且，如果唔係佢及時帶的警察到黎，我亦已經…
…，我上左文迪架車，車正向住我嘅住處方向駛去，文迪先開口，「林小姐，妳
…同妳男朋友嘅事，我真係覺得好抱歉，我知妳一直仲係嬲緊我，我亦好明白妳
嘅心情，但……」
我開口同文迪講，「唔好再提果個衰人，其實我應該要多謝你，呢件事令
我可以睇清楚呢個人本來嘅真面目，總算係我嘅慶幸！」
文迪再繼續專心揸車。
到左我屋企，我正準備落車之際，文迪再同我講，「點都好，林小姐，今晚
我真係要多謝妳，呢次我欠妳一個人情，呢張係我卡片，到妳需要我還呢個人情
嘅時候，無論會係咩野嘅事，我一定會將呢個人情還番比妳嘅！」
我接過卡片後，跟住再互相揮手後，我就番入自己嘅住處大堂之內。
呢一晚，我望住文迪嘅卡片，唔知點解，心內居然有種怪怪嘅感覺，晚上，
我響床上輾轉反側咁瞓極都瞓唔著，果日嘅事件又再次響我腦入面出現，我緊按
住個頭，極力唔去諗番起呢件事，但一個又一個嘅畫面不斷響我腦裡面重覆住，
好煩，終於，我成晚就係咁瞓下醒下瞓下醒下咁渡過左一晚。
第二日，我響公司混混沌沌咁過左一日，放工後，天上正落住微雨，我已經
番到屋企樓下之際，咦，我見到文迪正響隔離座搬緊的行李入大堂之內，我本來
想直入我嘅大堂，但諗起外面正落住雨，最後我都係忍唔住咁行左過隔離，文迪
見到我眼光光望住佢，跟住就放低手上的旅行喼後走過黎，「林小姐，無呀，原
本以前我係住響警方安排下嘅安全屋嘅，不過自從單案件完左之後，我亦回復番
警察嘅身份，再加上我要番黎準備照顧婆婆，所以咪要搬番的野番黎囉，唔阻妳
嘞，我要搬埋的野上樓先，再見！」
我睇見佢仲有好多大包細包放晒響路口，地下又已經濕晒，我諗左一陣，
跟住就上前幫佢搬的細件嘅物件，文迪見我幫手，面上露住開心嘅笑容，我就板
住面咁叫佢咪掛住笑，快的一齊搬晒上樓啦。
噓，終於搬完嘞，我地坐左響佢廳中嘅梳化上，文迪攞左一鑵汽水比我，跟
住我地就傾住閒計，文迪同我講，「林小姐，果日我比佢地打完之後，佢地車左
我上飛鵝山，跟住我見山上佢地已經掘左一個大窿，正準備將我殺人滅口，但當
時我無驚到，反而我最擔心係妳響屋內嘅安危，就係咁唔知點解，我極力掙脫左
身後嘅反縛之後，跟住我同佢地打起上黎，最後，我將佢地一一制服，然後再用
佢地嘅電話通知上頭馬上要作緊急支援，好彩最後都及時趕到，但……」
文迪無再講落去，我亦靜靜咁揸住鑵汽水，過左一陣，我裝作若無其事咁
講，「過左去嘅事我地唔好再提嘞！」
文迪見我已經眼紅紅咁，跟住移到我嘅身邊向我講，「林小姐，其實…我響
課室內第一眼已經認得妳，但凝於我有職責在身，所以唔能夠同案件以外嘅人士
交流，但當我知道班人要對妳不利，我就緊張到唔知點好，最後我終於都可以及
時救番妳之後，其實我係好開心，雖然妳果陣時已經有男朋友，但我仍覺得咁做
係值得嘅，因為，我……」
我望住文迪嘅繼續，「因為我……鍾意妳……」
講完文迪就揸住鑵汽水係咁狂飲，我呆呆咁望住佢，我聽完佢嘅表白之後
，我開始覺得呼吸有的急促，面上亦正發住微熱，手上嘅汽水亦揸得好緊，文迪
唔敢正視我，正望住前面繼續講，「唉，講左出黎，個心舒服左的，好嘞，林小
姐，多謝妳幫我搬左的野上黎，下次有機會，妳又唔嫌棄嘅話，我想請妳食一餐
飯作為報答妳幫我咁多嘅忙！」
文迪正要起身送我離開之時，我仲呆呆咁望住鑵汽水，我開始抬頭望住文迪
，「你頭先話鍾意我，咁…如果…」
我咬住下唇，但就好細聲咁耷低頭講，「如果…我應承…做你女朋友，唔知
…可唔可以呢？」
我知道文迪係聽到我嘅說話，見佢已經呆左咁，我估佢完全無諗過我會講呢
番說話，「林小…呀唔係…Ｍａｎｄｙ 老師…唔係…呀…死嘞…，妳…妳…可
唔…可以再講多…一次……」
我紅住眼，嚥住喉，但就笑住再大聲咁望住佢講，「我話我可唔可以做你女
朋友呀！」
文迪已經開心到成個彈起，我地兩個正笑住咁望住對方，跟住我地已經同時
上前將對方緊抱住，「Ｍａｎｄｙ…」
「文迪……」
時間，而夜校方面，除左之前已經拉左嘅人之外，文迪亦指証其他屬於佢混入嘅
堂口內其他有份販毒嘅人，事件震撼夜校之內，芷堯亦致電比我講番警察去學校
拉人嘅情況，終於到左上法庭之日，一眾人等被判不同刑期嘅監禁，事件亦終於
要完結，法庭門外，文迪正追到我身後，「林小姐……」
一身西裝筆挺嘅文迪正擋住我嘅去路，我無理佢，繼續繞道而行，「林小
姐，妳先聽我講一句說話先……」
我背住佢停左腳步，「林小姐，上次…如果妳…唔係咁做，我估…我已經
死左響棒球棍下，我…只係…想同妳…講聲，多謝妳！」
我聽完後，就帶住淚眼咁繼續向前行，呢一刻，我已經賠上左我嘅尊嚴，人
格同埋愛情，我已經覺得自己已一無所有，而就只剩低一個無用嘅軀殼而已。
過左一段日子，我放工後，正番緊屋企之際，遠處見到文迪個婆婆又響街上
推住木頭車，雖然婆婆推得好似好辛苦咁，但今次我唔打算上前幫手，突然，婆
婆好似失去左知覺咁跌左響地上，四處又無其他嘅人，我雖然痛恨文迪，但人命
關天，我即時跑到婆婆之處攙扶住佢，「婆婆，妳見點呀，婆婆…」
我擺住部手機，即時致電報警，警察黎到，我同警察講叫佢地聯絡掃毒組
嘅李文迪，呢一刻，我望住婆婆，唔知點解，一陣心痛嘅感覺突然湧現，白車黎
到，我跟埋上車，車上，我緊握住婆婆嘅手，呢一刻，婆婆就好似自己嘅親人一
樣嘅感覺，好快，到左醫院，婆婆被推左入急症室，無幾耐，文迪亦到左醫院之
內，文迪見到我，但就好緊張咁去先問醫生婆婆嘅情況，我見醫生正神色凝重咁
同文迪講緊婆婆嘅情況，跟住文迪就呆呆咁望住急症室，之後就去左急症室門外
張長櫈坐住。
我遠望住文迪，唔知點解，我見佢一面嘅憂心嘅樣，呢個表情我從無響偉霆
面上見過，偉霆重來唔會點提佢屋企人，而且亦唔多願意番去屋企探佢兩老，而
最後我亦終於知道偉霆本來就係一個咩野嘅人，我緩緩咁行到文迪身邊，哦，文
迪居然響度喊緊，我心頭居然一酸，跟住亦眼紅紅咁遞張紙巾比佢，文迪緩緩咁
接過紙巾，跟住我地就無言咁坐響長櫈之上等緊婆婆嘅消息，時間逐漸過去，我
地亦靜靜咁等住，醫生出黎嘞，文迪好緊張咁問醫生嘅情況，「病人好彩及時送
黎醫院，婆婆心臟幾條主要血管經已嚴重閉塞，剛剛已經同佢做左手術，情況已
經逐漸穩定落黎，但以後你要小心照顧婆婆，唔好再比佢繼續咁粗勞呀！」
我同文迪即時鬆左一口氣，文迪終於開聲同我講，「林小姐，多謝妳，多謝
妳救番我婆婆！」
我亦紅住眼咁搖住頭，文迪堅持要送我番屋企，唔知點解，我開始無再咁
嬲眼前嘅文迪，我知道果次根本就唔關佢事，而且一路以黎佢都係出於幫我嘅心
，再加上佢果次都受左重傷，況且，如果唔係佢及時帶的警察到黎，我亦已經…
…，我上左文迪架車，車正向住我嘅住處方向駛去，文迪先開口，「林小姐，妳
…同妳男朋友嘅事，我真係覺得好抱歉，我知妳一直仲係嬲緊我，我亦好明白妳
嘅心情，但……」
我開口同文迪講，「唔好再提果個衰人，其實我應該要多謝你，呢件事令
我可以睇清楚呢個人本來嘅真面目，總算係我嘅慶幸！」
文迪再繼續專心揸車。
到左我屋企，我正準備落車之際，文迪再同我講，「點都好，林小姐，今晚
我真係要多謝妳，呢次我欠妳一個人情，呢張係我卡片，到妳需要我還呢個人情
嘅時候，無論會係咩野嘅事，我一定會將呢個人情還番比妳嘅！」
我接過卡片後，跟住再互相揮手後，我就番入自己嘅住處大堂之內。
呢一晚，我望住文迪嘅卡片，唔知點解，心內居然有種怪怪嘅感覺，晚上，
我響床上輾轉反側咁瞓極都瞓唔著，果日嘅事件又再次響我腦入面出現，我緊按
住個頭，極力唔去諗番起呢件事，但一個又一個嘅畫面不斷響我腦裡面重覆住，
好煩，終於，我成晚就係咁瞓下醒下瞓下醒下咁渡過左一晚。
第二日，我響公司混混沌沌咁過左一日，放工後，天上正落住微雨，我已經
番到屋企樓下之際，咦，我見到文迪正響隔離座搬緊的行李入大堂之內，我本來
想直入我嘅大堂，但諗起外面正落住雨，最後我都係忍唔住咁行左過隔離，文迪
見到我眼光光望住佢，跟住就放低手上的旅行喼後走過黎，「林小姐，無呀，原
本以前我係住響警方安排下嘅安全屋嘅，不過自從單案件完左之後，我亦回復番
警察嘅身份，再加上我要番黎準備照顧婆婆，所以咪要搬番的野番黎囉，唔阻妳
嘞，我要搬埋的野上樓先，再見！」
我睇見佢仲有好多大包細包放晒響路口，地下又已經濕晒，我諗左一陣，
跟住就上前幫佢搬的細件嘅物件，文迪見我幫手，面上露住開心嘅笑容，我就板
住面咁叫佢咪掛住笑，快的一齊搬晒上樓啦。
噓，終於搬完嘞，我地坐左響佢廳中嘅梳化上，文迪攞左一鑵汽水比我，跟
住我地就傾住閒計，文迪同我講，「林小姐，果日我比佢地打完之後，佢地車左
我上飛鵝山，跟住我見山上佢地已經掘左一個大窿，正準備將我殺人滅口，但當
時我無驚到，反而我最擔心係妳響屋內嘅安危，就係咁唔知點解，我極力掙脫左
身後嘅反縛之後，跟住我同佢地打起上黎，最後，我將佢地一一制服，然後再用
佢地嘅電話通知上頭馬上要作緊急支援，好彩最後都及時趕到，但……」
文迪無再講落去，我亦靜靜咁揸住鑵汽水，過左一陣，我裝作若無其事咁
講，「過左去嘅事我地唔好再提嘞！」
文迪見我已經眼紅紅咁，跟住移到我嘅身邊向我講，「林小姐，其實…我響
課室內第一眼已經認得妳，但凝於我有職責在身，所以唔能夠同案件以外嘅人士
交流，但當我知道班人要對妳不利，我就緊張到唔知點好，最後我終於都可以及
時救番妳之後，其實我係好開心，雖然妳果陣時已經有男朋友，但我仍覺得咁做
係值得嘅，因為，我……」
我望住文迪嘅繼續，「因為我……鍾意妳……」
講完文迪就揸住鑵汽水係咁狂飲，我呆呆咁望住佢，我聽完佢嘅表白之後
，我開始覺得呼吸有的急促，面上亦正發住微熱，手上嘅汽水亦揸得好緊，文迪
唔敢正視我，正望住前面繼續講，「唉，講左出黎，個心舒服左的，好嘞，林小
姐，多謝妳幫我搬左的野上黎，下次有機會，妳又唔嫌棄嘅話，我想請妳食一餐
飯作為報答妳幫我咁多嘅忙！」
文迪正要起身送我離開之時，我仲呆呆咁望住鑵汽水，我開始抬頭望住文迪
，「你頭先話鍾意我，咁…如果…」
我咬住下唇，但就好細聲咁耷低頭講，「如果…我應承…做你女朋友，唔知
…可唔可以呢？」
我知道文迪係聽到我嘅說話，見佢已經呆左咁，我估佢完全無諗過我會講呢
番說話，「林小…呀唔係…Ｍａｎｄｙ 老師…唔係…呀…死嘞…，妳…妳…可
唔…可以再講多…一次……」
我紅住眼，嚥住喉，但就笑住再大聲咁望住佢講，「我話我可唔可以做你女
朋友呀！」
文迪已經開心到成個彈起，我地兩個正笑住咁望住對方，跟住我地已經同時
上前將對方緊抱住，「Ｍａｎｄｙ…」
「文迪……」